Последната верзија на телефонот на „Google“ – „Moto X“ е направен од бамбус. „Moto X“ е првата линија на смартфони на технолошкиот гигант, формирана откако тој ја купи „Motorola“ во 2012-та година.
При онлајн нарачка клиентот може сам да го „состави“ саканиот мобилен телефон со прилагодени бои на предниот дел, задниот панел и страните. Првите телефони од серијата излегоа во текот на летото, но дрвената верзија досега беше чувана во тајност.
За 100 долари над стандардната цена смартфонот веќе може да е дрвен. Стандардната верзија на овие телефони во САД чини околу 200 долари со договор.
Бамбусот е вистински и е во светла боја. Нарачките се уште се ограничени, а корисниците кои ќе одлучат нивниот модел на „Moto X“ да биде од бамбус ќе мораат да почекаат до јануари кога ќе започне испораката на овој уред.