Објавена е Топ-листата на апликации со најголем број на превземања од „App Store“ во текот на оваа година. На прво место, како што и се очекуваше, е игра.
„Candy Crush Saga“, која дебитираше во ноември минатата година како бесплатна игра за „iOS“ и „Android“, во текот на изминатата година оствари повеќе од пола милијарда превземања и се играла повеќе од 150 милијарди пати, пишува „USA Today“.
Игрите за мобилните уреди, како што имавме можност да видиме со „Angry Birds“ или „FarmVilleom“, се мода која поминува. Но во компанијата „King“ се убедени дека можат да го задржат вниманието и верноста на играчите додавајќи нови содржини на секои две до три недели.
Покрај игрите, исклучително популарни се покажаа и апликациите за комуникација и создавање содржини. „Vine“ го зазема четвртото место, „Snapchat“ шестото, а „Instagram“ е седмопласиран. Високопласирана е и апликацијата „Google Maps“, a мапите на „Apple“ ги нема меѓу десетте најдобри.
За „Pandorа“ ова беше одлична година и покрај растечкиот број на конкурентите (меѓи кои е и самиот „Apple“ со „iTunes Radio“). Годината ќе ја заврши на деветото место меѓу бесплатните апликации.
Многу од апликациите ја загубија својата позиција. „Twitter“, „Pinterest“ и „Skype“ не се најдоа меѓу десетте најдобри, каде што беа лани, а „YouTube“ падна од првото на второто место.
Уреди со „Android“ има се повеќе, но сопствениците на „iPhone“ и „iPad“ користат повеќе апликации. Според резултатите од истражувањето на компанијата „Quancast“, 65 проценти од корисниците на апликации во САД се на „iOS“, наспроти 32-те проценти на „Android“. Остатокот го делат „Windows Phone“ и „Blackberry“.
Top 10 бесплатни апликации:
1) Candy Crush Saga
2) YouTube
3) Temple Run 2
4) Vine
5) Google Maps
6) Snapchat
7) Instagram
8) Facebook
9) Pandora Radio
10) Despicable Me: Minion Rush
Top 10 платени апликации:
1) Minecraft
2) Heads Up!
3) Temple Run: Oz
4) Angry Birds Star Wars
5) Plague Inc.
6) Afterlight
7) Free Music Download Pro – Mp3 Downloader
8) Bloons TD 5
9) Sleep Cycle alarm clock
10) Plants vs. Zombies
