Листата на кандидати за титулата Автомобил на годината во 2014-та (Car of the Year 2014), која секоја година традиционално се доделува на женевскиот авто-саем, е намалена од 30 на 7 модели.
Во потесниот круг влегоа:
„BMW i3“
„Citroen C4 Picasso“
„Mazda3“
„Mercedes S сlasѕ“
„Peugeot 308“
„Škoda Octavia“
„Tesla Model S“.
За кој од понудените модели би гласале?
Интересно е тоа дека оваа година меѓу седумте финалисти се наоѓаат два автомобили на електричен погон, како и два модели на групацијата „Peugeot-Citroen“.
Право да конкурираат за најдобар автомобил на европскиот пазар имаа сите модели кои се претставени во периодот од септември 2012-та до септември 2013-та година.
Дополнителен услов беше моделот во моментот на номинација, во септември 2013-та, веќе да се најде во продажба или да почне да се продава до крајот на годината во најмалку пет европски земји, како и неговата минимална предвидена годишна изработка да изнесува 5.000 единици.
Одлуката за победникот ќе биде донесена на 3-ти март 2014-та година, а за финалистите ќе гласа меѓународно жири составено од 58 специјализирани автомобилски новинари од 22 европски земји. Потсетуваме дека на претходниот избор триумфираше „Volkswagen Golf“.
