„Samsung“ додаде уште еден смартфон во својата „Galaxy Core“ линија од средниот сегмент.
Јужнокорејската компанија официјално го најави „Galaxy Core Advance“. Да потсетиме, претходно во оваа година „Samsung“ ги претстави и уредите „Galaxy Core“ и „Core Plus“.
Овој паметен телефон има сличен дизајн со претходните „Core“ верзии, но доаѓа со нешто подобар хардвер. „Core Advance“ ќе има 4.7-инчен „TFT“ екран со „WVGA“ резолуција, процесор со две јадра од 1.2GHz, 1GB RAM, 8GB интерна меморија (плус „microSD“ слот).
Димензиите на овој смартфон се 133,3 x 70,5 x 9,7 mm, а неговата тежина изнесува околу 145 грама.
На задната страна на уредот се наоѓа камера од 5MP, додека од предната страна е сместен „VGA“ сензор.
„Samsung Galaxy Core Advance“ работи на оперативниот систем „Android 4.2 Jelly Bean“, а се напојува со батерија од 2000mAh.
Засега нема официјални информации за цената по која овој паметен телефон ќе се продава, а во продажба ќе се најде во почетокот на 2014-та година.
