Дизајнерите од Штутгарт за новата генерација на својот најпродаван модел велат дека „смело се разликува во однос на претходникот“ со стил кој „возбудува емоции“.
Новата „C сlasѕ“ е долга 4,686mm, меѓуосовинското растојание е подолго за 80mm, a ширината за 40mm е поголема во однос на претходниот модел.
Во понудата ќе се најдат две варијанти на предниот дел: со ѕвезда на хаубата и спортска варијанта со поголем амблем во рамките на предната решетка.
Поради поголемата употреба на алуминиум (скоро 50 проценти во однос на 10-те проценти на актуелниот модел), новата „C сlasѕ“ е за 100kg полесна и поради тоа потрошувачката е намалена за 20 проценти.
За почеток во понудата ќе се најдат три мотори: „C180“ и „C200“ со 1.6 односно 1.9-литарски четирицилиндарски бензински мотор со официјлна потрошувачка од 4.1, односно 4.41 L/100km.
Единствената дизел варијанта ќе биде „C220 CDI“ со 2.1-литарски турбодизел мотор со потрошувачка од 3.3L/100km и емисија на CO2 oд 103g/km.
Подоцна можеме да очекуваме и нови агрегати, како 1.6-литарски и 2.1-литарски дизел, а се очекува и „C 300 Bluetec“ хибрид кој ќе комбинира четирицилиндарски дизел со електричен мотор со потрошувачка од 3.2L/100km.
Што се однесува до напредните безбедносни системи во овој модел се вградени, „BAS Plus“ асистенцијата при сопирање, „Active Lane Keeping“ против напуштање на лентата, „Traffic Sign Assist“ и „Wrong-Way Alert“ предупредување за движење во спротивен правец.
Ентериерот на новата „C-сlasѕ“ е сличен на оној кој се наоѓа во најновите „A-сlasѕ“ и „CLA“, a новиот контролен систем на допир ќе биде премиерно претставен.
Новата „C-сlasѕ“ ќе може да се нарача веќе од јануари следната година, а испораката ќе започне налето.
