„Ward’s Automotive“ кон крајот на годината традиционално ги одбира најдобрите мотори, а бидејќи станува збор за американски избор, мора да се признае дека на листата се наоѓаат и модели кои се многу интересни и за Европјаните.
Од „Ward’s“ велат дека биле многу импресионирани од бројот на потполно нови мотори на пазарот, па во годинешниот избор на најдобри десет погонски единици, едвај се најде место за два агрегати, финалисти од минатата година. Тоа се моторот на „Нondа“ – 3,5-литарски V6 бензинец кој се наоѓа во „Accord“ и трилитарскиот „TFSI“ од моделот „S5“ (Audi S5). Изненадувачки, но на листата се најдоа дури три нови дизел агрегати, па и еден електромотор.
Како што тоа најдобро од „Ward’s“ го опишаа – технологијата која денеска е импресивна, веќе утре може да биде неспоредливо помалку имресивна, а причината за тоа е нејзиниот брз напредок.
Еве ги десетте најдобри мотори според редакцијата „Ward’s Automotive“.
– 3.0 l TFSI Supercharged DOHC V-6 (Audi S5)
– 3.0 l Turbodiesel DOHC I-6 (BMW 535d)
– 3.0 l Turbodiesel DOHC V-6 (Ram 1500 EcoDiesel)
– 83-kW Electric Motor (Fiat 500e)
– 1.0L EcoBoost DOHC I-3 (Ford Fiesta)
– 2.0L Turbodiesel DOHC I-4 (Chevrolet Cruze Diesel)
– 6.2L OHV V-8 (Chevrolet Corvette Stingray)
– 3.5L SOHC V-6 (Honda Accord)
– 2.7L DOHC H-6 boxer (Porsche Cayman)
– 1.8L Turbocharged DOHC I-4 (Volkswagen Jetta)
