Автомобилот кој ќе го наследи „Lamborghini Gallardo“, според најновите информации, наместо името „Cabrera“, кое досега се појавуваше во медиумите, би требало да го добие името „Huracan“.
Конечната одлука за името на новиот модел се уште официјално не е објавена, но како што пишува „Auto Express“, „Lamborghini“ уште во април 2012-та го заштити правото за користење на името „Huracan“.
Магазинот тврди, повикувајќи се на извори од „Lambroghini“, дека токму тоа име ќе биде искористено за наследникот на моделот „Gallardo“.
„Huracan“ претставува шпански збор за ураган, а најверојатно потекнува од јазикот на Маите, каде означува „божество на ветер, оган и невреме“.
Без разлика за кое име „Lamborghini“ ќе се одлучи на крајот, се очекува новиот модел да го придвижува атмосферски 5.2 литарски V10 мотор со околу 600 ks. Со помош на овој агрегат автомобилот од место до „стотка“ ќе стигнува за околу 3.2 секунди, што ќе биде доволно за да се оправда употребата на името „Huracan“.
