Раководството на Барселона склучи петгодишен договор со мултинационалната корпорација „Intel“, најмногу позната по производство на микропроцесори и интегрални кола.
Натписот „Intel inside“ ќе биде отпечатен од внатрешната страна на дресовите кои ги носат „каталонците“. Логото нема да може да се види за време на натпреварот, туку само во случај ако некој фудбалер одлучи да го подигне дресот при прославување на гол или пак на крајот на средбата.
За овој луксуз да се испише името на „сино- црвениот“ дрес, компанијата „Intel“ ќе плати вкупно 25 милиони долари или по пет милиони по сезона.
