Компанијата „Asus“ и официјално во Тајван го претстави својот нов „PadFone Mini“, помала алтернатива на веќе постоечкиот уред „PadFone Infinity“.
Станува збор за уред кој комбинира 4.3 инчен паметен телефон со 7 инчен таблет док. Што се однесува до спецификациите, уредот има процесор од 1,4 GHz „quad-core Snapdragon MSM8226 CPU“ и 1 GB RAM меморија, додека резолуцијата на екранот е 960 x 540 пиксели за смартфонот и 1280 x 800 зa таблетот.
Покрај тоа, тука е и интерната меморија од 16 GB, како и батеријата од 1500 mAh зa паметниот телефон, односно од 2200 mAh зa таблетот.
Новиот „Asus PadFone Mini“ доаѓа со платформата „Android 4.3“, а засега ќе биде пласиран само на одредени пазари, а засега не е познато кога и по која цена ќе се продава во Европа.
