„Castlelake“ денес го објави својот план за купување на „easyJet“ за 4,74 милијарди фунти (6,26 милијарди долари), зголемувајќи го притисокот врз одборот на нискобуџетната авиокомпанија, кој веднаш ја отфрли понудата како „опортунистичка“ и не е во најдобар интерес на акционерите.
„Castlelake“, со седиште во Минеаполис, голем инвеститор во авијацијата со околу 38 милијарди долари средства под управување, изјави дека овој потег ќе им овозможи на акционерите на „easyJet“ да ги проценат предностите на понудата и да го кажат своето мислење пред крајниот рок за поднесување понуди на 26-ти јуни.
„Притисокот врз одборот ќе се зголеми оваа недела“, рече Дадли Шанли, аналитичар во „Goodbody Stockbrokers“, за предложената цена на „Castlelake“ од 6,25 фунти по акција.
Акциите на британскиот превозник, основан од британско-кипарскиот претприемач Стелиос Хаџи-Јоану во 1995-та година, пораснаа за повеќе од 5% во раното тргување на 5,30 фунти, нивното највисоко ниво за речиси една година. Акциите на „еasyJet“ пораснаа за повеќе од 3% во раното попладневно тргување.
„Одборот верува дека третата понуда претставува опортунистички обид за стекнување на ‘easyJet’ по ниска цена и затоа не е во најдобар интерес на акционерите на ‘easyJet’“, се вели во соопштението на нискобуџетниот превозник.
„Casllake“ изјави дека неговата понуда е поддржана од поранешниот извршен директор на „Malaysia Airlines“, Питер Белоу, и друг државјанин на ЕУ, и дека имала за цел надминување на потенцијалните регулаторни пречки во Европа.
„easyJet“ се фокусира на своите цели
„еasyJet“ изјави дека е фокусиран на своите среднорочни цели и раст на својот бизнис за слободно време, што е сè поважен дел од неговата добивка и покрај неизвесноста.
Понудата на „Castlelake“ од 6,25 фунти по акција на 20-ти јуни претставуваше премија од околу 57% во однос на цената на акциите на „easyJet“ на 29-ти мај – пред американската група да го објави својот интерес – и следеше по две понуди од 5,6 фунти и 6,0 фунти.
Компанијата соопшти дека „неподготвеноста на ‘easyJet’ сериозно да се обврзе“ била наведена како причина за јавното објавување на понудата, која вклучувала опција за делумен капитал за инвеститорите во „easyJet“.
Барања за сопственост на ЕУ
За да се усогласи со европските правила за сопственост на авиокомпаниите кои бараат европските превозници да бидат претежно во сопственост и контролирани од државјани на ЕУ, „Castlelake“ се здружи со високи индустриски раководители Белоу и Марк Брин.
Од „Castlelake“ изјавија дека нивната предложена структура на сопственост за „easyJet“ е во согласност со моделите што ги користат другите европски авиокомпании за да се усогласат со барањата, но easyJet изјави дека предложената структура е „непроѕирна“ и нема да послужи како основа за проценка на понудата.
Шенли изјави дека акционерите на „easyJet“ би можеле да бидат разочарани од недостатокот на европски партнер за авиокомпанија.
„Castlelake“ изјави дека се очекува неговата понуда да биде целосно финансирана преку комбинација од капитал и долг, а „Goldman Sachs“ изрази уверување дека ќе ги обезбеди потребните средства.
