Aвтомобилот кој е креиран за возење во виртуелниот свет на играта „Gran Turismo“ и кој „Mercedes“ го претстави како концепт на салонот за автомобили во Лос Анџелес, сепак ќе добие продукциска верзија.
Предвидено е да бидат произведени само пет примероци од овој исклучителен автомобил, а како основа за неговото производство ќе послужи „Mercedes SLS AMG GT“. Каросеријата ќе биде изработена од јаглеродни влакна, што ќе придонесе „AMG Vision Gran Turismo“ да биде полесен за околу 90 килограми.
Возилото, исто како и концептот ќе биде обоено така да добие хромиран изглед.
Исто како и на коценптниот автомобил, „Mercedes AMG Vision Gran Turismo“ ќе има толку голем подвижен заден спојлер и издувни цевки со специфичен дизајн, додека внатрешноста ќе биде малку променета.
За погонот ќе биде употребен 6.3 литарски V8 мотор кој се наоѓа во моделот „SLS AMG GT“, a кој испорачува 591 ks (435 kW). Моќта на тркалата ќе се пренесува по пат „AMG DCT“ седумстепениот спортски менувач. Земајќи во предвид дека „Mercedes SLS AMG GT“ oд 0 дo 100 km/h забрзува за 3,7 s, „Vision Gran Turismo“ овој резултат би можел да го подобри и тоа благодарејќи на помалата маса.
Од петте планирани автомобили, еден е веќе продаден. Два примероци се наменети за купувачи во Европа, два ќе бидат испорачани на Блискиот Исток, додека петтиот примерок ќе биде продаден во САД.
Се очекува цената на „Mercedes AMG Vision Gran Turismo“ да изнесува околу 1.1 милион евра.
