Стопанска Банка АД Скопје ќе исплати 59 денари бруто дивиденда по акција

Собранието на акционери на Стопанска Банка АД Скопје донесе одлука за исплата на дивиденда на обичните акции во вкупен бруто износ од 1.030.150.620,00 денари.

Со приложената Одлука се предлага од расположивата добивка од 2025 година во износ од 717.196.804,00 денари и расположливата добивка од претходни години во 312.953.816,00 денари, или вкупен износ на 1.030.150.620,00 денари да се исплати како бруто дивиденда на имателите на обични акции на Стопанска Банка АД Скопје.

Бруто дивиденда по акција изнесува 59,00 денари.

Последен ден на тргување со право на дивиденда е 11.06.2026 година.

Прв ден на тргување без право на дивиденда е 12.06.2026 година.

Исплатата на дивиденда ќе се реализира почнувајќи од 13.07.2026 година и истата ќе биде исплатена во готово, на платежните сметки на имателите на обични акции.