„Tonino Lamborghini“, суб-брендот на автомобилскиот производител „Automobili Lamborghini“, го претстави „Antares“ – првиот паметен телефон на компанијата. Слично на сите „Lamborghini“ производи, уредот е со ограничено производство и доаѓа со „солена“ цена! Телефонот базиран на „Android“ ќе чини 4000 долари.
Овој смартфон е премногу лукузен, затоа што е рачно изработен од нерѓосувачки челик и од природна кожа на задниот капак, а достапен е во различни решенија на бои, вклучувајќи и 24 -каратно злато.
Опремен со 4-инчен екран на допир, покриен со „Gorilla Glass“, „Antares“ може да се пофали со 1.5 GHz „quad-core“ процесор, 1 GB RAM меморија, 32 GB внатрешна меморија и слот за микро SD картички до 32GB.
За првокласно аудио искуство, уредот има вграден „Yamaha“ засилувач и два звучници. Луксузниот уред, исто така е опремен и со две HD камери: 13 мегапиксели на задната страна и 5 мегапикселна предна камера со целосна HD поддршка на видео во формат од 1080p.
Смартфонот се очекува да дебитира на пазарот во почетокот на пролетта следната година.
