Европската комисија објави статистика за неделното работно време во Европската Унија за 2025 година.
Статистиката ги опфаќа граѓаните на возраст од 20 до 64 години и покажува дека просечната работна недела во Европската Унија е 35,9 часа, што е намалување во однос на 36,9 часа во 2015 година.
Најдолги работни недели во земјите-членки на Европската Унија се забележани во Грција (39,6 часа), Бугарија и Полска (и двете по 38,7 часа) и Литванија (38,4), во Хрватска е 37,7 часа.
Од друга страна, Холандија имала најкратка работна недела (31,9 часа), по што следат Данска и Германија (и двете по 33,9 часа) и Австрија (34,0 часа), според Евростат.
Занимањата со најдолги работни недели во ЕУ биле квалификувани работници во земјоделството, шумарството и рибарството (42,0 часа всушност одработени), менаџери (40,6) и занимања во вооружените сили (39,4). Најкратки работни недели се забележани кај основните занимања (31,8), административните работници (34,0) и работниците во услужни дејности и продажба (34,5).
Меѓу земјите надвор од ЕУ, Турција се издвојува со просечна работна недела од 42,9 часа. По неа следуваат Босна и Херцеговина со 40,9 часа, Србија со 40,6 часа, Грција со 39,6 часа и Македонија со 39,5 часа.
