„Brabus“ го претстави еден од најекстремните автомобили на годината – „Bodo“, луксузен „Hyper-GT“.
Моделот е посветен на основачот на компанијата Бодо Бушман, а ќе бидат произведени само 77 примероци.
Автомобилот е базиран на „Aston Martin Vanquish“, но „Brabus“ целосно го промени нејзиниот изглед.
Каросеријата е изработена од јаглеродни влакна, додека агресивниот дизајн и огромните тркала дополнително ја нагласуваат ексклузивноста на моделот.
Под хаубата се наоѓа 5,2-литарски двоен турбо V12 мотор со 1.000 ks и 1.200 Nm вртежен момент.
И покрај тоа што тежи повеќе од 1.900 килограми, „Bodo“ достигнува 100 км/ч за нешто повеќе од три секунди, додека максималната брзина е 360 км/ч.
Посебен детаљ се карбонските елементи со честички од вистинско злато, додека ентериерот комбинира луксузна кожа, карбон и модерен инфозабавен систем со поддршка на „Apple CarPlay Ultra“.
Со овој модел, „Brabus“ ја продолжува својата трансформација од тјунерска куќа во производител на ексклузивни автомобили.
Цената надминува милион долари, но јасно е дека „Bodo“ е наменет за колекционери кои сакаат нешто сосема поинакво и исклучително ретко.
