Новиот модел на „Ferrari“, од кој ќе бидат произведени само 499 примероци, веќе е распродаден и тоа не е случајно.
„LaFerrari“ е најмоќното, најбрзото и се разбира најскапото „Ferrari“ кое некогаш е произведено.
Моделот ја развива максимална ограничена брзина од 350 км/ч. Автомобилот е со максимална моќност од 949 коњски сили и може да забрзува од 0 до 100 км/ч за 3 секунди. Инаку максималната брзина која може да ја развие е 396 км/ч.
Цената на автомобилот според последните податоци е 1,4 милиони долари, а 120 од купените примероци се од САД.
„LaFerrari“ е дел од новата стратегија на компанијата, која во наредните години планира да произведува помалку, но поскапи автомобили, слично на „Bugatti“ и „Pagani“.
Од почетокот на годината до крајот на ноември „Ferrari“ произведе 7.000 автомобили, наспроти 7.300-те возила во претходната година. Приходите, сепак предвидуваат раст од 6 проценти или до 2,3 милијарди долари, а профитот ќе забележи раст за 20 проценти или до 350 милиони долари.
Стратегијата на „Ferrari“ можеби е доста добр , откако летоска модел од 1967-та година беше продаден на аукција за 27,5 милиони долари. Пред десет години „Ferrari Enzo“ се продаваше за 650 илјади долари, а денес цената му е над 2 милиони долари. Токму тоа го гледаат богатите луѓе – колекционерска вредност на „црвеното коњче“, како нагалено го нарекуваат „Ferrari“.
Не е исклучено „LaFerrari“ да го следи трендот на „Enzo“, па по извесно време да се продава за доста повисока цена од сегашните 1,4 милиони долари.
