Новата функција наречена „Ask YouTube“ ќе ви овозможи да поставувате сложени прашања и да добивате сеопфатни резултати што комбинираат видеа и текст, со можност за поставување дополнителни прашања за понатамошно истражување на темата, објасни „Google“ на својата страница „YouTube Labs“.
Откако функцијата ќе биде достапна, кликнувањето на новото копче „ Ask YouTube“ во лентата за пребарување ќе ви покаже предложени прашања или можете да внесете свои. Откако ќе добиете резултати, можете да пробате подпрашања или да изберете еден од предлозите за подетално истражување, објавува „Engadget“.
Брз тест спроведен од „The Verge“ покажа дека барањето за кратката историја на слетувањето на Аполо 11 на Месечината генерирало резиме на мисијата, заедно со видеа на „YouTube“ и временски ознаки за најрелевантните информации.
Дополнителните прашања дадоа слични резултати, иако некои барања едноставно прикажуваа список на видеа, исто како и со класичното пребарување. Како што често се случува со вештачката интелигенција, едно од пребарувањата поврзани со контролерот „Steam“ да врати неточни информации.
