Американскиот претседател Доналд Трамп кажа дека се одржани разговори за „целосно и сеопфатно решавање на непријателствата“ со Иран.
Трамп вели дека имало „продуктивни дискусии“ за „потполно и целосно решение“ на конфликтот на Блискиот Исток, објавува Би-Би-Си.
Тој вели дека ќе ги „одложи сите напади врз иранските електрани и енергетската инфраструктура“ за период од пет дена.
Во објава на Truth Social, со големи букви, тој вели: „СО ЗАДОВОЛСТВО МОЖЕ ДА ИЗВЕСТАМ ДЕКА СОЕДИНЕТИТЕ АМЕРИКАНСКИ ДРЖАВИ И ИРАН ИМААА МНОГУ ДОБРИ И ПРОДУКТИВНИ РАЗГОВОРИ ВО ВРСКА СО КОМПЛЕТНОТО И ПОТПОЛНО РЕШЕНИЕ НА БЛИСКИОТ ИСТОК. ВРЗ ОСНОВА НА ТЕНОРОТ И ТОНОТ НА ОВИЕ ДЛАБОКИ, ДЕТАЛНИ И КОНСТРУКТИВНИ РАЗГОВОРИ, РАЗГОВОРОТ ЌЕ ПРОДОЛЖИ ВО ТЕКОТ НА НЕДЕЛАТА, МУ НАЛОЖИВ НА МИНИСТЕРСТВОТО ЗА ВОЈНА ДА ГИ ОДЛОЖИ СИТЕ ВОЕНИ НАПАДИ ВРЗ ЕЛЕКТРАНИТЕ И ЕНЕРГЕТСКАТА ИНФРАСТРУКТУРА НА ИРАН ЗА ПЕТ ДЕНА, ВО ЗАВИСНОСТ ОД УСПЕХОТ НА ТЕКОВНИТЕ СОСТАНОЦИ И ДИСКУСИИ. ВИ БЛАГОДАРАМ ЗА ВАШЕТО ВНИМАНИЕ НА ОВА ПРАШАЊЕ!“, ПРЕТСЕДАТЕЛОТ ДОНАЛД Џ. ТРАМП.
Да потсетиме дека доцна во саботата навечер, Трамп се закани дека ќе ги „уништи“ иранските електрани ако Техеран не го отвори целосно Ормутскиот теснец во рок од 48 часа.
„Доколку Иран не го отвори ЦЕЛОСНО, БЕЗ НИКАКВА ЗАКАНА, повторно Ормутскиот теснец во рок од 48 часа од овој прецизен момент, Соединетите Американски Држави ќе ги нападнат и уништат нивните ЕЛЕКТРАНИ, ПОЧНУВАЈЌИ ОД НАЈГОЛЕМИТЕ“, објави Трамп во тоа време.
Трамп минатата недела изјави дека не е заинтересиран за прекин на огнот со Иран. „Можеме да разговараме, но не сакам прекин на огнот“, рече тој во петокот попладне.
