Германскиот бренд за спортска облека „Puma“ ја откажа својата дивиденда и изјави дека очекува да пријави уште една загуба оваа година, иако резултатите од минатата година беа подобри од очекувањата на аналитичарите.
Главниот извршен директор Артур Холд, кој беше поранешен директор за продажба во конкурентот „Adidas“, но стана шеф на „Puma“ во јули, изјави дека минатата година била „година на ресетирање“ за компанијата. Нејзината продажба падна бидејќи изгуби место во однос на другите брендови за спортска облека на сè поконкурентниот пазар.
Од „Puma“ информираа дека очекуваат оперативна загуба помеѓу 50 и 150 милиони евра во 2026-та година и пријави оперативна загуба од 357,2 милиони евра за 2025-та година, откако оствари профит од 548,7 милиони евра една година претходно.
Акциите на компанијата, кои паѓаат во последните четири години, пораснаа за повеќе од 3% на отворањето, бидејќи загубата за 2025-та година беше помала од очекувањата на аналитичарите, на 374,3 милиони евра.
Аналитичарите во „Bernstein“ изјавија дека податоците за залихите на „Puma“ покажуваат дека компанијата ги троши своите залихи побрзо од очекуваното, што е позитивен знак.
„Puma“ обично продава по пониски цени од „Adidas“, што ја прави поранлива на купувачи кои се свесни за буџетот и се принудени да ги намалат трошоците.
Лансирањето на нејзината серија „Speedcat“ во 2024-та година беше помалку успешно од очекуваното.
Холд изјави дека ќе ги ограничи попустите, ќе ги намали производните линии и ќе го подобри брендот.
„Puma“ би можела да добие помош и од водечкиот кинески бренд за спортска облека „Anta“, кој минатиот месец склучи договор да стане најголем акционер на компанијата. Купи 29% од акциите во „Artemis“, холдинг компанијата на семејството Пино, кое е сопственик и на луксузната група „Kering“. Од „Anta“ валат дека тоа ќе ѝ помогнат на „Puma“ да ја зголеми продажбата во Кина.
Продажбата ќе продолжи да опаѓа оваа година, соопшти „Puma“, но со побавно темпо, со ниски до средни едноцифрени бројки. Се очекува продажбата да се намали за 8,1% во монетарна смисла на 7,3 милијарди евра во 2025-та година.
„Puma“ презеде поголем долг за да ја финансира трансформацијата, земајќи кредити во вкупен износ од 275 милиони евра во мај и ноември минатата година и премостувачки заем од 500 милиони евра во декември. Нето долгот се зголеми на 1,064 милијарди евра на крајот на 2025-та година, во споредба со 119,8 милиони евра една година претходно.
