Иако последната обнова на „Windows“ се појави пред малку повеќе од еден месец, „Microsoft“ веќе работи напорно на следната верзија. Таа го носи тајното име „Threshold“ и ќе содржи новости за сите варијанти. Тие се вкупно три – „Windows“, „Windows Phone“ и „Xbox One“.
Тајното име не е случајно. „Threshold“ се вели една од планетите во оригиналната игра „Halo“ од 2001-ва година, која е дел од портфолиото на конзолата „Xbox“.
Трите оперативни системи веќе користат заедничко јадро. Компанијата веќе работи и на единствена продавница за апликации за платформите.
Следната обнова, која се чека во пролетта 2015-та година, ќе ја продолжи стратегијата на „Microsoft“ за обединување на платформите. Тие ќе почнат да нудат заеднички пакет од идентични карактеристики и можности. Меѓу нив е работа со документи, интернет пребарувањето, општите поставки за управување и „сериозна забава“.
Пред да стигне до новиот „Windows“, сепак „Microsoft“ ќе направи помала обнова на „Windows 8.1“, како и на „Windows Phone“. Тие се очекуваат во првата половина на следната година.
