Претседателот Доналд Трамп изјави во саботата дека ја зголемува глобалната царина што сака да ја воведе на 15%, од 10% која ја најави претходниот ден.
Трамп изјави во објава на социјалните мрежи дека ја донесува одлуката „врз основа на темелен, детален и целосен преглед на смешната, лошо напишана и екстремно антиамериканска одлука за тарифи донесена вчера“ од Врховниот суд на САД, пишува АП.
Откако судот пресуди дека нема итно овластување да воведе бројни сеопфатни тарифи, Трамп потпиша извршна наредба во петокот вечерта што му овозможува да го заобиколи Конгресот и да воведе данок од 10% на увозот од целиот свет. Сепак, тие тарифи ќе бидат ограничени на само 150 дена, освен ако не се продолжат со закон.
Сепак, објави Скај њуз, Трамп рече дека ќе ја зголеми глобалната тарифа за стоки увезени во САД, што ја објави дури вчера, од 10% на 15%. Објавувајќи на платформата Truth Social, Трамп напиша:
„Врз основа на темелен, детален и целосен преглед на смешната, лошо напишана и екстремно антиамериканска одлука за царина донесена од Врховниот суд на Соединетите Американски Држави вчера, по многу месеци размислување, нека оваа изјава послужи како потврда дека јас, како претседател на Соединетите Американски Држави, веднаш ќе ја зголемам глобалната царина од 10% за земјите, од кои многу ги „експлоатираат“ САД со децении без последици (сè додека не се појавив!), до максималното дозволено и законски проверено ниво од 15%.“
