Foxconn го забрзува производството на iPhone

Во „online“ продавниците на „Apple“, особено на големите пазари како САД и Кина, минатиот месец купувачите мораа да чекаат и до три недели за испорака на „iPhone 5S“. Со цел да се намали времето на испорака во „Foxconn“, на барање на „Apple“, значително ги зголемија производните капацитети на нивниот „flagship“ мобилен телефон, за сметка на помалку бараниот модел „5C“. Па така сега овој производител моментално произведува дури 500.000 примероци на „iPhone 5S“ во своите погони, што за нив е рекорден број.

Со цел да се објасни сложеноста на процесот на производство од „Foxconn“ јавно ги објавија податоците на производните линии дека за моделот „5C“ работат околу 500 луѓе, еднакво како за претходниот модел, „iPhone 5“. Зa „iPhone 5S“, пак се ангажирани околу 600 работници на производната линија, бидејќи процесот на неговото производство и составување е покомпликувано. Вкупно само на производството на „iPhone 5S“ во „Foxconn“ има вработено околу 300.000 луѓе ширум светот.