„Boeing“ продаде повеќе авиони од „Airbus“ во 2025-ѕс година за прв пат од 2018-та година, бидејќи американскиот производител покажа знаци на закрепнување од период на криза.
Компанијата со седиште во Арлингтон, Вирџинија, регистрираше 1.175 бруто нарачки за авиони за годината, надминувајќи ги 1.000 нарачки на „Airbus“ еден ден претходно. Бројот на „Boeing“ ја вклучува и најголемата нарачка на компанијата во историјата од „Qatar Airways“, која беше објавена за време на посетата на претседателот Доналд Трамп на Блискиот Исток во мај.
„Boeing“ испорача 600 авиони минатата година, вклучувајќи 63 во декември – највисок месечен број во годината. Иако годишниот број е помал од 793 испораки на „Airbus“, тоа е сепак најдобриот резултат на американскиот производител од 2018-та година.
Производителот на авиони добива нарачки со поддршка на Белата куќа, а воедно ги зајакнува и своите финансии, забрзувајќи го производството по серија кризи. Превирањата започнаа кога две фатални несреќи на „737 Max“ ги натераа регулаторите ширум светот да го приземјат главниот извор на приходи на „Boeing“ на почетокот на 2019-та година.
Компанијата регистрираше 175 бруто нарачки во декември наспроти 8 откажувања. Најголемиот дел од нив дојде од договор за 110 авиони со „Alaska Air Group Inc“ – најголемата нарачка во историјата на превозникот.
Американската фирма, исто така, објави 30 нарачки за „787 Dreamliner“ и пет за „777X“ во текот на месецот.
