Компанијата „Geeksphone“ ги објави плановите за својот следен паметен телефон. Тој ќе се нарекува „Revolution“ и ќе користи два оперативни системи.
„Geeksphone“ е првиот производител кој започна да произведува и продава мобилни телефони со „Firefox OS“ на „Mozilla“. Во „Revolution“ исто така ќе се користи овој систем, а паралелно со него ќе е инсталирана и верзија на „Android“.
Идејата на двете компании е да ја користат популарноста на „Android“ за да ги промовираат и своите производи. Од „Mozilla“ се надеваат дека корисниците ќе имаат тенденција да го пробаат „Firefox OS“, под услов дека во секое време ќе го имаат и добро познатиот „Android“. Во „Geeksphone“ имаат слична филозофија со која надеваат дека ќе им донесе поголем интерес за нивните уреди.
Во моментов двете компании не откриваат особено многу детали околу уредот. Тие истакнуваат дека тој ќе е од повисока класа и ќе се потпира на помоќен процесор и хардвер со кој ќе се натпреварува со поскапите телефони. Досега „Geeksphone“ го нуди моделот од пониска ценовна класа „Keon“ и „Peak“, кој пак е со просечна цена.
