„Honda“ во своите модели наскоро ќе понуди три нови бензински мотори со турбо-полначи и со директно вбризгување, соопштија од јапонска компанија.
Новата гама на „VTEC“ турбо агрегати вклучува, 1.0 литарски трицилиндарски мотор и две четирицилиндарски единици од 1.5 и 2.0 литри.
Во „Hondа“ велат дека со примената на технологијата за променливо отворање на вентилите, намаленото триење во моторот и турбо-полначот со директно вбризгување, произвеле мотор со помала зафатнина, кој покрај тоа има и помало загадување на животната средина.
Јапонската компанија не објави повеќе детали за моторите, ниту информација кога ќе започне нивната употреба, но беше кажано дека турбо-бензинските агрегати ќе бидат користени во идните глобални модели. Нормално во склад со карактеристиките на секој автомобил поединечно и со потребите на купувачите на индивидуални пазари.
Од претходно беше познато дека 2.0 литарскиот „VTEC Turbo“ со преку 270 ks ќе се користи во моделот „Civic Type-R“ кој на пазарот ќе пристигне во 2015-та година.
