Силен земјотрес со интензитет од 8,8 степени според Рихтеровата скала го погоди полуостровот Камчатка, предизвикувајќи цунами висок до четири метри. Огромни бранови го погодија брегот, оштетувајќи згради и предизвикувајќи масовни евакуации низ Тихиот Океан.
На видеата од местото на настанот може да се види уништувањето, поточно, сè е под вода.
Неколку луѓе беа повредени во тој оддалечен руски регион.
Според регионалниот министер за вонредни состојби Сергеј Лебедев, кратко по земјотресот е регистрирано цунами од три до четири метри.
„Сите треба веднаш да се оддалечат од брегот“, предупреди Лебедев во видеото.
Камчатка се наоѓа на таканаречениот Тихоокеански огнен прстен – зона позната по најразорните земјотреси и вулканска активност во светот.
