Компанијата „Jeep“ на претстојниот саем на автомобили во Лос Анџелес ќе претстави посебна верзија на моделот „Wrangler“ посветена на легендарното воено возило „Willys“.
„Јeep Willys Wheeler Edition“ е заснован на моделот „Wrangler Sport“. Автомобилот потсетува на познатиот „Willys“ по својата боја, тркалата и гумите, како и платнениот покрив и другите ретро детали, како безбедносните клипови на хаубата.
Да се осигура дека современата верзија може да се избори со тешките терени, како својот претходник, „Jeep Willys Wheeler Edition“ е опремен со погонскиот систем „Command-Trac 4×4“ и „Trac-Lok“ диференцијалот за ограничено пролизгување на задната осовина.
Како стандардниот „Wrangler“, така и верзијата „Willys“ за погон ќе користи 3.6 литарски „Pentastar V6“ мотор со 288 ks (212 kW) и 352 Nm максимален вртежен момент.
Моќта на тркалата ќе се пренесува со помош на шестбрзински мануелен или шестстепен автоматски менувач, кој е достапен како опција.
По премиерата во Лос Анџелес, автомобилот ќе се појави на американскиот пазар на почетокот на 2014-та година со почетна цена од 25.795 долари за верзијата со 2 врати, а додека моделот со 4 врати ќе чини околу 29.595 долари.