Еден месец пред официјалното лансирање, добро познат типстер ги откри европските цени за сите „Pixel“ телефони на „Google“ што ќе бидат објавени оваа година.
Обожавателите ќе мора да почекаат околу еден месец за да биде претставен „Pixel 10“, но барем можат да почнат да размислуваат за финансискиот аспект, претпоставувајќи дека типстерот е во право, се разбира.
Ова е информација добиена од Роланд Квант, уредник на веб-страницата „Winfuture“ и веројатно најпознатиот германски типстер, иако точниот извор на неговата информација е непознат.
Накратко, според неговите извори, целата линија „Pixel 10“ во Европа ќе чини точно исто како и нејзините претходници „Pixel 9“ од 2024-та година.
Ова е спротивно на претходните претпоставки од април, кои предвидуваа различни нивоа на цени, иако во американски долари. Барем во Европа, не се очекуваат промени, дури ни за „Pixel 10 Pro Fold“.
Еве го ценовникот:
„Pixel 10“
128 GB: 899 евра
256 GB: 999 евра
„Pixel 10 Pro“
128 GB: 1.099 евра
256 GB: 1.122 евра
512 GB: 1.329 евра
1 TB: 1.589 евра
„Pixel 10 Pro XL“
256 GB: 1.299 евра
512 GB: 1.429 евра
1 TB: 1.689 евра
„Pixel 10 Pro Fold“
256 GB: 1.899 евра
512 GB: 2.029 евра
1 TB: 2.289 евра.
