Иако не е сосема нов модел, „Mercedes-Maybach SL 680 Monogram“ импресионира со своите детали.
Серијата „SL 680 Monogram“ дополнително го зачини луксузниот роудстер на „Mercedes“ со механички надградби фокусирани на удобност и мала промена во дизајнот во споредба со „стандардната“ верзија.
Најголемите интервенции беа направени на надворешноста. Постои нова и единствена комбинација на бои и материјали за надворешноста и ентериерот, со шарата на „Maybach“ како поврзувачки елемент на дизајнот.
Овие посебни акценти се појавуваат насекаде, од напред до назад, одвнатре и однадвор.
Постојат два дизајнерски концепти за овој двосед со отворен покрив.
„Mercedes-Maybach SL 680 Monogram Series Red Ambience“ се карактеризира со нов двобоен екстериер во комбинација од црна металик боја и „MANUFAKTUR Garnet“ црвена металик боја.
Во „Mercedes-Maybach SL 680 Monogram Series White Ambience“, црната металик боја е во контраст со „MANUFAKTUR Opal“ белата боја.
„Mercedes“ објаснува дека „брилијантната црвена и елегантната бела боја ја олицетворуваат сензуалноста, убавината и леснотијаа“.
Тие совршено ја изразуваат филозофијата и искуството при возење на новиот модел.
Други бои на екстериерот се можни по посебно барање од купувачот.
Внатрешноста е опремена со одржливо штавена, кристално бела „MANUFAKTUR“ ексклузивна напа кожа и декоративни делови во сјаен сребрен хром.
Што се однесува до спецификациите, автомобилот користи 4.0 bi-turbo V8 мотор со 585 ks (430 kW) и 800 Nm. Достигнува 100 км/ч за 4,1 секунда, а максималната брзина е ограничена на 260 км/ч.
Моќта се пренесува на сите 4 тркала преку автоматски менувач 9G-TRONIC.
