Во стопанството во Македонија пред две години биле регистрирани 68 150 компании. Во нив работеле 434 185 лица. Најголем дел од компаниите биле дел од дејноста трговија на големо и мало, односно 21 885 во кои работеле 98 793. Фирми со стручни дејности се 8 400, а во нив работат 25 980 лица. Преработувачката индустрија е на второ место со 7 998 компании, а во нив работеле 118 506 граѓани.
Од близу 70 илјади компании десет отсто се од преработувачката индустрија, а во овој сектор има и најмногу вработени лица, близу 120 илјади. Според извештајот на Државниот завод за статистика најмногу фирми се регистрирани во дејноста трговија на големо и мало, а високо котираат и стручните дејности. Градежништвото е сектор кој вработува нешто над 30 илјади лица а во Македонија има 5894 градежни компании. За транспрот и складирење се регистрирани 5 600 фирми во кои работат нешто над 30 илјади граѓани.
„Во 2023 година, 68 150 пазарноориентирани деловни субјекти реализирале промет од 2 090 624 милиони денари и генерирале бруто-додадена вредност од 445 895 милиони денари. Најголем промет од 39.1 % реализирале деловните субјекти од секторот Трговија на големо и на мало и Преработувачката индустрија од 25.7 %. Најголемо учество во вкупната додадена вредност има Преработувачката индустрија со 26.0 %, а потоа следат Трговија на големо и на мало со 20.8 %, Информации и комуникации со 9.1 % и Градежништво со 8.7 %.“ стои во извештајот на ДЗС.
Податоците до кои дојде Денар велат дека во првите три месеци од годинава биле затворени околу 1000 компании. Но во исто време се отвориле речиси 2000 компании. Годинава најмногу од пропаднатите фирми се од дејноста трговија на големо и мало и од преработувачката индустија.
И.П
