Претставниците на Мета потпишаа 20-годишен договор со Constellation Energy (CEG) за купување на 1,1 гигават нуклеарна енергија од електраната Клинтон, Илиноис, почнувајќи од јуни 2027 година.
Договорот го опфаќа целото производство на постоечкиот реактор и ќе овозможи продолжување на работата и повторно лиценцирање на електраната, која без договорот би била во опасност од затворање, објавува Мина.
Така, „Мета“ продолжува со серијата технолошки гиганти кои обезбедуваат чиста енергија за своите центри за податоци преку нуклеарни извори.
Иако електраната нема директно да ги напојува центрите на Мета, енергијата ќе придонесе за постигнување на целта за 100 проценти чиста електрична енергија.
Ова е прв официјален исчекор на Мета во нуклеарниот сектор.
Во декември, компанијата објави повик за нови нуклеарни партнери во САД за развој на напредни реактори со капацитет од еден до четири гигавати, а тој процес е сè уште во тек.
