Сите зборуваат за видеото на Емануел Макрон и неговата сопруга Брижит.
Францускиот претседател и неговата сопруга пристигнаа во официјална посета на Виетнам. Во моментот кога се отворале вратите на авионот, камерите снимиле расправија меѓу двојката Макрон. Во еден момент, раката со црвен ракав го турка лицето на Макрон настрана.
Потоа Макрон видел дека вратата на авионот е отворена и дека пред него има камери. Тој се насмевна несмасно и им мавна на толпата. Потоа двојката се симнала по скалите, а Брижит носела црвена јакна, поради што се заклучува дека токму нејзината рака го турнала лицето на Макрон.
Кабинетот на Макрон првично ја негираше автентичноста на снимката на социјалните мрежи и тврдеше дека е создадена со помош на вештачка интелигенција. Откако видеата беа потврдени, тие ја променија приказната. Тие сега тврдат дека тоа било „разиграно задевање“.
„Тоа беше момент кога претседателот и неговата сопруга се опуштаа за последен пат пред да го започнат патувањето. Тоа беше момент на блискост“, изјави за Си-Ен-Ен официјален претставник од тимот на Макрон. Тој додаде дека сè друго се теории на заговор, а за негативните реакции ги обвини проруските кругови.
