За време на официјалниот состанок во Белата куќа, американскиот претседател Доналд Трамп предизвика непријатност кај јужноафриканскиот претседател Сирил Рамафоса, пуштајќи видеа на кои наводно се гледаат повици за насилство врз белите земјоделци во Јужна Африка, пишува SkyNews.
Рамафоса остана смирен додека се емитуваше снимката, а потоа изрази изненадување од она што го виде.
„Би сакал да знам каде е снимено, бидејќи никогаш не сум го видел ова“, рече јужноафриканскиот лидер, обидувајќи се да остане дипломатски воздржан. Трамп, сепак, беше директен.
„Ова се изјави на службеници кои велат дека треба да убиваат бели земјоделци и да им ја земат земјата“, рече Трамп, без да наведува извори или точноста на тврдењата прикажани на снимката.
Снимките наводно содржеле говори на политички личности од Јужна Африка кои повикуваат на грабање земјиште и насилство, тема што претходно предизвика контроверзии на меѓународната сцена. Трамп очигледно сакал да изврши притисок врз Рамафоса во врска со безбедноста и имотните права на белите земјоделци, кои одредени групи во САД ги сметаат за загрозени.
