Администрацијата на Трамп ќе престане да одобрува вакцинирање против Ковид за здрави возрасни и деца без скапи нови студии што би можеле да предизвикаат отпор од фармацевтските компании.
Таквото спротивставување би можело да доведе до помал пристап до докажани вакцини за кои студиите покажаа дека спасиле милиони Американци за време на пандемијата.
Комесарот на FDA, Марти Макари, чии ставови за здравјето и вакцините наводно се совпаѓаат со оние на контроверзниот секретар за здравство на Трамп, Роберт Ф. Кенеди, и раководителот на одделот за вакцини, Винеј Прасад, за кого, според „Асошиејтед прес“, е критичар на регулативите за вакцинација и маски, го опишаа пристапот во статија објавена во вторник во „New England Journal of Medicine“. Агенцијата соопшти дека дозите против Ковид сè уште можат да се даваат на постари лица и други лица со висок ризик според сегашниот систем за одобрување на вакцинација. Повеќе од еден милион Американци починаа за време на пандемијата.
Трамп ја обвини СЗО за лоша работа за време на пандемијата на Ковид и дека е премногу блиска со Кина, обвинувања што СЗО ги негира. Коментирајќи за СЗО, Кенеди отиде уште подалеку, нарекувајќи ја институција „заглавена во бирократска надуеност, вкоренети парадигми, судир на интереси и меѓународна политика на моќ“.
„Не мора да ги трпиме ограничувањата на СЗО што умира. Ајде да создадеме нови институции или да ги преиспитаме постојните, такви што се ефикасни, транспарентни и одговорни“, нагласи тој. Говорот на Кенеди беше емитуван неколку часа откако членовите на СЗО усвоија договор во вторникот што треба да им овозможи поефикасно да се подготват за претстојните пандемии.
Пактот гарантира дека лековите, терапиите и вакцините ќе бидат достапни глобално кога ќе се случи следната пандемија. Исто така, се бара од производителите кои учествуваат во договорот да донираат 20 проценти од своите вакцини, лекови и тестови на СЗО за време на пандемијата за да се обезбеди пристап и за посиромашните земји.
