Jапонската компанија „Mitsubishi“ ќе настојува да го искористи актуелниот тренд на повеќето клучни пазари во светот, односно големата популарност на „SUV“/„crossover“ сегментите, па со тоа да се врати на местото кое и припаѓа. Затоа компанијата подготви стратешки план со кој ќе настојува да ја подигне годишната продажба за една третина до 2016-та година.
Иако се уште ги сокриваат деталите од стратегијата, „New Stage 2016“, како што се нарекува новиот правец, од „Mitsubishi“ истакнуваат дека „pickup“ камионетите, „SUV“ и „crossover“ моделите ќе бидат основа за агресивната стратегија за раст во продажбата.
Компанијата исто така планира вклучување на електричната и „plug-in“ хибридна технологија во нивната продажба, а „зелената“ технологија би требало да учестуваат со до 20 проценти во вкупната продажба на компанијата до 2016-та година.
