Американскиот претседател Доналд Трамп им рекол на својот поблизок круг, вклучително и на членовите на неговиот кабинет, дека мултимилијардерот и неговиот сојузник Илон Маск ќе се повлече од сегашната улога на партнер во владата во наредните недели, пишува денеска американскиот портал Политико.
Претседателот е сè уште задоволен од Маск и неговата иницијатива во Одделот за владина ефикасност, но и двајцата во последните денови одлучија дека наскоро ќе биде време Маск да се врати на своите должности и да преземе улога на поддршка, објави порталот, цитирајќи тројца инсајдери од околината на Трамп кои, под услов да останат анонимни, ја опишаа актуелната врска меѓу Трамп и Маск.
Пензионирањето на Маск доаѓа во време кога некои инсајдери од администрацијата на Трамп и многу надворешни сојузници станаа фрустрирани од неговата непредвидливост и сè повеќе го гледаат милијардерот како на политичка одговорност.
Тоа, исто така, претставува остар пресврт во односот Трамп-Маск од пред еден месец, кога претставници на Белата куќа и сојузниците предвидуваа дека Маск е „тука да остане“ и дека Трамп ќе најде начин да го надмине рокот од 130 дена, рок во кој му беше доделен специјален статус што привремено го ослободува од некои правила за етика и судир на интереси.
Тој период од 130 дена се очекува да истече на крајот на мај или почетокот на јуни, според „Политико“.
