Турскиот партнер на Фиат, Тофаш, го најави престанувањето на производството на акутелниот модел Линеа. Следната генерација на ова возило исто така ќе се произведува во фабриката во Бурса, а се очекува на пазарот да се појави во 2015-та година.
Од Тофаш не објавија повеќе детали за новата Линеа, но соопштија дека во фабриката ќе бидат вложени околу 385 милиони евра. Во Бурса покрај моделот Линеа се произведуваат и други модели на Фиат кои се наменети пред се за пазарите во развој, а новата инвестиција двојно ќе го зголеми капацитетот на фабриката, па така годишното производство во 2023-та година ќе изнесува 580.000 возила
Акутелната Фиат Линеа е претставена во 2007-та година и е базирана на платформата на моделот Гранде Пунто.
За новата генерација засега нема официјални информации, а неофицијално се дознава дека компанијата ќе се обиде што е можно повеќе да ги намали трошоците за производство, па така овој автомобил би имал пониска продажна цена и би бил поконкурентен на пазарот.