Шведската компанија соопшти дека во фабриката на „Volvo“ во Ченгду во Кина започна производството на производниот модел „Volvo S60L“, верзијата со продолжено меѓуосовинско растојание на втората генерација на седан моделот со четири врати.
Првиот „S60L“ кој ја напушти производната линија е модел со боја на морска школка, велат од компанијата, додавајќи дека возилото со продолжено меѓуосовинско растојание ќе има свое официјално деби на саемот за автомобили во Гуангжу на 21-ви ноември.
Почетокот на сериското производство во градот Ченгду е само последниот доказ дека „Volvo“ во Кина работи со полн капацитет, што е предуслов за успех на овој бренд за во иднина, истакнуваат раководните лица на компанијата.
