Во текот на следната година, „Volkswagen“ е принуден да продава стара EV технологија на нови клиенти. Тоа ќе биде тешко.
Поминаа повеќе од четири години откако „Volkswagen“ ги лансираше целосно електричните модели „ID.3“ и „ID.4“. Во моментот на нивното пристигнување, многумина веруваа дека овие две возила можат да претставуваат сериозна закана за „Tesla“.
Сепак, работите не одеа така, и се чини дека 2025-та година ќе биде уште една тешка година за електричните возила на „Volkswagen“.
Слично како и во 2024-та година, германската марка нема да лансира нови електрични модели оваа година. Всушност, најновото дополнување на нивната електрична линија беше „ID.7“, кој дебитираше во третиот квартал од 2023-та година.
Гледајќи напред, следното големо издание на „Volkswagen“, долгоочекуваниот „ID.2“, нема да пристигне на одредени пазари пред 2026-та година, а Северна Америка најверојатно нема да биде една од нив.
По цена помала од 25.000 евра, „ID.2“ се очекува да нуди внатрешен простор сличен на „Golf“, а да остане компактен и достапен однадвор како помалиот „Polo“.
„Во следната година ‘VW’ е принуден да продава стара технологија на нови клиенти. Тоа ќе биде тешко“, изјави германскиот автомобилски аналитичар Матијас Шмит за „Bloomberg“.
И веќе е тешко. На клучните пазари, вклучувајќи ги САД, Европа и Кина, „VW“ се соочува со предизвици во продажбата на електрични возила.
Во Европа, кратењето на субвенциите во важни региони како Германија ја ослабна побарувачката. Во меѓувреме, во Кина, пазар кој е клучен за долгорочните амбиции на „VW“ за електрични возила, производителот ја губи земјата пред агилните локални конкуренти.
Дури и луксузните модели од групацијата „VW“, како што се „Audi Q8 e-tron“ и „Porsche Taycan“, не успеваат да постигнат значителен успех на пазарот на кој сè повеќе доминираат електрични автомобили со попристапни цени од кинески брендови.
Клучен дел од планот на „VW за освојување на кинескиот пазар на електрични возила е новото партнерство со „Xpeng“.
Двете компании работат на заедничка платформа за електрична и електроника (E&E) која ќе биде основа за сите електрични возила произведени од „Volkswagen“ во Кина.
Првите модели од ова партнерство треба да бидат претставени во 2026-та година и ќе вклучуваат два „VW“ од средната класа, од кои едниот ќе биде „SUV“.
Групацијата „VW“ се надева дека ќе ја зголеми годишната продажба во Кина од 2,93 милиони возила минатата година на 4 милиони до 2030-та година.
„Воведувањето нови модели е едно решение, но подеднакво е важно да ја задржиме нашата широка понуда“, додаде портпаролот на „VW“, Стефан Фосвинкел.
„Работевме напорно во последните години и имаме навистина добри модели со висококвалитетен софтвер и високи стандарди за квалитет“, додава тој.
