Хакерскиот упад во онлајн системот на „Adobe“ на почетокот на октомври во кој беа украдени преку 38 милиони сметки, покажува дека корисниците и натаму не ја земаат во предвид силината на својата лозинка. Откриени се и најчесто користените шифри, а тоа се „123456“, „123456789“ и „password“.
Податоците на корисниците завршија на интернет, а спакуваната датотека е со големина од дури 9.3 GB, па неколку компании започнаа веднаш да ги декодираат. Исто така, тие влегле и во налозите и на неактивните корисници и така земале неверојатни 130 милиони лозинки.
Џереми Госни ги декодираше податоците за „Stricture Consulting Group“ и на интернет ги објави 100-те најкористени лозинки кои се добиени со декодирање на „Adobe“ податоците.
Податоците покажуваат висок степен на рамнодушност и незаинтересираност кај корисниците да дизајнираат квалитетна и сигурна лозинка. На јавните сервери на „Adobe“ корисниците своите налози ги штителе со лозинки како „123456“, „password“, „adobe123“ и „photoshop“, за кои неморате да бидете некој експерт за да откриете.
Листата на 20-те најчесто користени лозинки, кои ги „создале“ корнисниците на онлајн системите на „Adobe“:
– 123456
– 123456789
– password
– adobe123
– 12345678
– qwerty
– 1234567
– 111111
– photoshop
– 123123
– 1234567890
– 000000
– abc123
– 1234
– adobe1
– macromedia
– azerty
– iloveyou
– aaaaaa
– 654321
Компанијата „Adobe“ не потврди дали лозинките се легитимни, а во меѓувреме сите налози се „суспендирани“ додека корисниците не ги променат своите лозинки.