На автомобилскиот саем во Дубаи беше прикажан суперавтомобилот „Devel Sixteen“ кој претставува целосно арапски производ. На изглед „Devel Sixteen“ наликува на автомобилот на Бетмен.
Моторот на ова возило е со моќност од 5000 КС со кој се овозможува забрзување од 0 до 96 км/ч за 1.8 секунди. Максималната брзина на овој суперавтомобил е 560 км/ч, но засега повеќе детали не беа обелоденети.
Понудениот саемски модел ќе стане сопственост на оној кој е подготвен да плати за него 5 милиони дирами (над 1 милион евра).
„Devel Sixteen“ сепак не е првиот суперавтомобил од арапско производство. За таков се смета „Lykan Hypersport“ кој е развиен од либанската компанија „W Motors“. Неговата моќност е 750 КС, а каросеријата е цела во диоди, а исто така е украсен и со дијаманти. Автомобил забрзува од 0 до 100 км/ч за 2.8 секунди, додека пак неговата максимална брзина е 390 км/ч. Цената е исто така импресивна, а изнесува 3.4 милиони долари.
