Пет пожари се уште беснеат во Лос Анџелес, каде што повеќе од 137.000 луѓе ги напуштија своите домови.
Шумски пожари кои се надвор од контрола го зафатија Лос Анџелес, убивајќи најмалку пет лица, уништени стотици домови и ги оптоварија ресурсите за гаснење пожари и снабдувањето со вода до крајни граници, додека на повеќе од 100.000 луѓе им беше наредено да се евакуираат.
Пожар избувна и во Холивуд Хилс.
„Бројот на загинати во шумските пожари што беснеат околу Лос Анџелес се искачи на најмалку пет и може да биде поголем“, изјави шерифот на округот Лос Анџелес, Роберт Луна, за KNX News Radio.
Силните ветрови ги отежнуваат операциите за гаснење пожари и ги разгоруваат пожарите кои неконтролирано горат откако избувнаа.
„Се соочуваме со историска природна катастрофа. И мислам дека тоа не може да се каже доволно силно“, рече на прес-конференција Кевин Мекгован, директор за управување со итни случаи за округот Лос Анџелес.
Жител на Лос Анџелес ги опиша драматичните сцени околу неговиот дом како „кошмар, малку како Армагедон“. Тајлер Бриџис и неговата свршеница решија да останат во нивниот дом во Пасадена и покрај официјалните предупредувања за евакуација.
Според него, се започнало со силни ветрови кои дувале со брзина до 137 км/ч, фрлајќи гранки по автомобили, огради и куќи. Набргу потоа избувнал пожар кој поради силниот ветер не можел да се локализира.
Бриџис ја опиша сцената како дожд од пепел што го отежнува дишењето, предизвикувајќи кашлање и пецкање во очите. „Колку се приближувате до огнот, толку потемнува, поцрнува“, рече тој, нагласувајќи колку ноќта била страшна за жителите на Пасадена.
Тајмлапс снимката од Универзитетот во Калифорнија, Сан Диего ја покажува брзината на првичното ширење на шумскиот пожар што беснее низ Лос Анџелес.
Според Би-Би-Си, видеото е создадено за само 90 минути ноќта меѓу 7 и 8 јануари, неколку часа по првпат пријавувањето на пожарот, и го покажува неговото брзо ширење низ Палисадес Пацифик, една од луксузните населби во Лос Анџелес.
Тајм-лапс снимката покажува како пожарот се проширил од површина од 20 хектари на повеќе од 200 хектари за само 20 минути.
