Најголемиот швајцарски бренд на часовници, „Rolex“, ги зголеми цените на некои од своите најпопуларни модели бидејќи златото поскапе во 2024-та година, пренесува „Bloomberg“.
Компанијата со седиште во Женева, контролирана од швајцарска фондација именувана по нејзиниот ко-основач Ханс Вилсдорф, почна да ги зголемува цените оваа година за 8% на некои модели направени од благородни метали.
Жолтозлатен часовник „Day-Date“ со црн бројчаник од 40 мм чини 44.200 евра од 1-ви јануари, во споредба со 41.000 евра пред тоа, според веб-страницата на „Rolex“ во Франција. Часовникот од жолто злато „GMT-Master II“ чини 44.600 евра, што е повеќе од 41.300 евра претходно.
„Rolex“ обично ги зголемува цените еднаш годишно на 1-ви јануари. Зголемувањето на цените може да биде показател за побарувачката за луксузни стоки, материјалните трошоци и трошоците за работна сила и инфлацијата. Златото го забележа својот најголем годишен раст на цената во последните 14 години во 2024-та година, откако порасна за 27%.
Покачувањата годинава се поголеми од лани. „Rolex“ ги зголеми цените на некои модели со благородни метали за околу 4% во Британија на почетокот на 2024-та година.
Цените на часовниците специфични за земјата може да се гледаат и како показател за економската сила на земјата. Водечкиот светски бренд за луксузни часовници произведува над 1 милион часовник годишно, со приходи од продажба над 10 милијарди швајцарски франци (11 милијарди долари), според податоците на аналитичарите.
Цените на челичните модели се зголемуваат во 2025-та година тие не се толку агресивни. Челичниот „Cosmograph Daytona“ сега чини 16.000 евра во споредба со 15.500 евра во 2024-та година. Цената на моделот „Submariner“, кој не го прикажува датумот, е зголемена за околу 1,6% на 9.500 евра.
Иако новите покачувања на цените може да се поврзат со растот на цените на златото, валутните флуктуации беа двигател во минатото. „Rolex“ ги зголеми цените двапати во Велика Британија и Европа во 2022-ра година, бидејќи швајцарскиот франк поскапува во однос на британската фунта и еврото.
