Извршниот директор на Tesla, Илон Маск, најави дека ќе ја разгледа можноста за поднесување тужби против медиумите поради нивното известување за експлозијата на Cybertruck што се случи пред хотелот Трамп во Лас Вегас во средата.
Конзервативниот активист Роби Старбак сподели напис на Business Insider на X во кој инцидентот е опишан како „експлозија на Cybertruck“.
„Маск треба да размисли да ги тужи медиумите затоа што ја обликувале приказната на овој начин. Овие наслови ја саботираат марката Tesla со тоа што ги тераат луѓето да мислат дека Cybertruck се запалил. Има околу еден пожар во возило на Tesla на секои 130 милиони извозени милји. Другите автомобили горат на секои 18 милиони милји“, напиша Старбак.
„Можеби е време да го направиме тоа“, напиша Маск како одговор на сугестијата дека размислува за тужба, пренесува Политико.
Возачот загина, а седум лица се повредени кога возилото – наполнето со канистри со гориво – експлодирало на Нова година. Човекот кој го изнајмил Cybertruck-от бил активен припадник на специјалните сили на САД и се застрелал во главата пред експлозијата, потврдија полициски претставници.
Маск, милијардерот кој е близок соработник на новоизбраниот американски претседател Доналд Трамп, го критикуваше медиумското покривање на инцидентот и ја бранеше безбедноста на возилото во серија објави на неговата социјална мрежа Х.
„Фактот дека ова беше Cybertruck навистина ја ограничи штетата што се случи во возилото, бидејќи поголемиот дел од експлозијата помина низ возилото и излезе“, рече шерифот на полицијата во Лас Вегас, Кевин Мекмахил за време на прес-конференција оваа недела.
Маск повторно објави видео од конференцијата, пишувајќи: „Злобните идиоти избраа погрешно возило за терористички напад. Cybertruck всушност ја запре експлозијата и ја насочи нагоре. Ниту стаклените врати на лобито не беа скршени“.
