Новоизбраниот претседател Доналд Трамп ја даде својата најсилна понуда до сега да ја преземе Канада.
Трамп им понуди на Канаѓаните намалување на даноците за 60 отсто доколку се согласат да се приклучат на САД и да станат 51-та американска држава.
Имено, Трамп во последните денови предложи територијално проширување на САД на Канада, Гренланд и Панама, а го исмеваше и канадскиот премиер Џастин Трудо нарекувајќи го „гувернер“.
„Среќен Божиќ на сите, вклучително и прекрасните кинески војници кои со љубов, но незаконски управуваат со Панамскиот канал (каде изгубивме 38.000 луѓе при неговата изградба пред 110 години), секогаш внимавајќи САД да инвестираат милијарди долари во „поправање“, но ќе немам апсолутно ништо да кажам за „било што““, напиша Трамп во средата, а потоа продолжи да зборува за Канада и Гренланд.
„Исто така, Среќен Божиќ на канадскиот гувернер Џастин Трудо, чии даноци за граѓаните се премногу високи, но ако Канада стане нашата 51-ва земја, нивните даноци ќе бидат намалени за над 60%, нивните бизниси веднаш би се удвоиле во големина и тие би биле толку воено заштитени како ниедна друга земја во светот. Исто така, на народот на Гренланд, кој на САД им треба за потребите на националната безбедност и кој сака САД да бидат таму, и ние ќе бидеме!“, напиша Трамп на социјалната мрежа Truth Social.
