На социјалните мрежи на големо се споделува страшната снимка од терористичкиот напад што се случи вечерва на популарниот божиќен пазар во германскиот град Магдебург.
Direkte Aufnahme von der Tat, ich bin unfassbar bestürzt. Warum ist das in Deutschland möglich⁉️ Magdeburg, Weihnachtsmarkt pic.twitter.com/7CEQhH2GCS
На видеото се гледа како возачот на БМВ со полна брзина влета во толпата.
По страотниот удар во насобраната маса луѓе, некои останаа да лежат на земја, а останатите посетители на саемот почнаа да бегаат.
Германските медиуми јавуваат дека напаѓачот е уапсен, а на социјалните мрежи се појави видео од апсењето.
Dieses Video soll die Festnahme des Tatverdächtigen zeigen (#Syrer?), der auf dem Weihnachtsmarkt in #Magdeburg mit einem Auto in die Besuchermenge fuhr und dabei mindestens einen Menschen tötete und mehrere Dutzend verletzte. pic.twitter.com/OyEefWTzFa
— Amphitryon (@anti_ideologist) December 20, 2024
Спасувачката служба на градот соопшти дека меѓу 60 и 80 луѓе биле повредени кога автомобил влетал во толпата на саемот во Магдебург.
Локалната полиција соопшти дека најмалку едно лице загинало.
Како што претходно објави германскиот портал Т-Онлајн, 11 лица загинаа, а уште 60 се повредени. Во исто време, според медиумите, се судриле два автомобили. Оваа информација не е официјално потврдена.
Не е сосема јасно дали се работи за еден или два автомобили. Германските медиуми даваат различни информации.
Полицијата во Магдебург на платформата Х изјави дека интензивните полициски операции се во тек на божиќниот саем во Магдебург.
„Вашар во центарот на градот е затворен. Наскоро очекувајте нови информации“, велат од полицијата.
Премиерот на Саксонија-Анхалт, Рајнер Хаселоф, рече дека е ужаснат од настаните на божиќниот пазар и се упатил кон Магдебург.
Тој рече дека не може да даде повеќе информации за жртвите или за позадината на инцидентот. Магдебург, кој се наоѓа западно од Берлин, има околу 240.000 жители.