Високи републикански и демократски претставници во Комитетот на Претставничкиот дом на САД денеска им кажаа на извршните директори на Apple и Alphabet да бидат подготвени да го отстранат TikTok од нивните продавници за апликации во САД на 19 јануари.
Американскиот федерален апелационен суд минатата недела го потврди законот со кој се бара од кинеската компанија ByteDance да ја продаде гореспоменатата социјална мрежа во САД или да биде забранета, објави Ројтерс.
Високи членови на Претставничкиот дом, републиканецот Џон Моленаар и демократот Раџа Кришнамурти, одделно го повикаа извршниот директор на TikTok да ја продаде апликацијата, која ја користат 170 милиони Американци.
Конгресот дејствуваше решително за „да ја одбрани националната безбедност на Соединетите Американски Држави и да ги заштити американските корисници на TikTok од Кинеската комунистичка партија2“, се вели во медиумот.
„Го повикуваме TikTok веднаш да ја заврши продажбата“, напишаа пратениците.
