Русија би можела повторно да ја нападне Украина „во следните денови“ со суперсонична ракета „Орешник“, која може да носи повеќе нуклеарни боеви глави, изјави денеска висок американски претставник.
„Русија ја сигнализираше својата намера да истрела нова експериментална ракета „Орешник“ кон Украина, потенцијално во наредните денови“, рече претставникот кој сакаше да остане анонимен.
Првиот истрел од ова ново оружје го погоди украинскиот град Днипро на 21 ноември.
Ракетата не носеше нуклеарни боеви глави.
