„Omnicom“ соопшти дека ја презема „Interpublic Group“ со договор со кој ќе се создаде најголемата светска рекламна компанија, пишува „Bloomberg“.
Според условите на договорот, акционерите на „Interpublic“ ќе добијат 0,344 акции на „Omnicom“ за секоја акција од обичните акции на „Interpublic“ што ја поседуваат. По затворањето, акционерите на „Omnicom“ ќе поседуваат 60,6% од комбинираната компанија, а акционерите на „Interpublic“ ќе поседуваат 39,4%, на целосно поделена основа. Трансакцијата се очекува да генерира годишни трошоци за синергија од 750 милиони долари, тврдат компаниите.
Цената на акциите на „Interpublic“ е намалена за околу 10% оваа година. Акциите ја затворија сесијата на Њујоршката берза овој понеделник на 29,26 долари, што на компанијата и дава пазарна капитализација од 10,9 милијарди долари. Акциите на „Omnicom“ се зголемуваат за 20% во 2024-та година до пазарна вредност од околу 20,2 милијарди долари.
Договорот ќе создаде компанија со комбинирани годишни приходи од над 25 милијарди долари, врз основа на резултатите од 2023-та година. Ова ќе биде значително над износот од 18,9 милијарди долари генерирани минатата година од „WPP“ со седиште во Лондон, која моментално е лидер на пазарот.
Најголемите медиумски холдинг компании се соочуваат со притисок од „Google“, „Meta Platforms“ и други играчи од Силиконската долина, како и од генеративната вештачка интелигенција, за која многу експерти веруваат дека може да замени голем дел од понудата на креативните агенции.
Потенцијалното спојување на „двата жестоки ривали“ е показател дека рекламните агенции треба да ги намалат трошоците и капацитетот, напиша Мофет Натансон во извештајот во неделата откако „Wall Street Journal“ ја објави веста за претстојното спојување.
„Се чувствуваме како да сме на работ на значителна промена“, пишуваат аналитичарите.
Предводен од извршниот директор Џон Врен, „Omnicom“ опслужува повеќе од 5.000 клиенти во повеќе од 70 земји, според неговата веб-страница. Нејзината агенциска мрежа вклучува „BBDO“, „DDB“ и „TBWA“. „Interpublic“ е управуван од извршниот директор Филип Краковски и има околу 55.000 вработени, покажува нејзината веб-страница.
Договорот доаѓа една деценија откако „Omnicom“ се откажа од својата понуда да стане најголемата светска рекламна агенција во спојување од 35 милијарди долари со „Publicis Groupe“. Овој договор беше откажан во 2014-та година по несогласувањата за начинот на управување со комбинираната компанија. Регулаторните пречки исто така одиграа улога.
