Американскиот производител на чипови Интел денеска објави дека неговиот извршен директор Пет Гелсингер поднел оставка од функцијата и се пензионирал од бордот на директори на компанијата, а компанијата во периодот на транзиција ја преземале привремени директори.
Глесингер во изјава за јавноста рече дека да се биде на чело на Интел е најголемата чест што ја доживеал, пренесува TechCrunch.
„Можам да гледам наназад со гордост на сè што постигнавме заедно. Ова беше предизвикувачка година за сите нас бидејќи донесовме тешки, но неопходни одлуки да го позиционираме Интел за тековната пазарна динамика. Засекогаш сум благодарен за многуте колеги околу светот со кој работев како дел од семејството на Интел“, додаде тој.
Приходите на Интел паднаа на 54 милијарди долари во 2023 година, што е за една третина помалку од 2021 година кога Гелсинџер ја презеде функцијата извршен директор.
Компанијата вети дека ќе укине повеќе од 15.000 работни места како дел од планот за намалување на трошоците од 10 милијарди долари и ја одложи изградбата на неколку капацитети за производство на чипови.
Аналитичарите очекуваат Интел да оствари загуба од 3,68 милијарди долари оваа година, што е негова прва годишна нето загуба од 1986 година.
Како што објави CNBC, пазарите позитивно реагираа на веста и акциите на Интел пораснаа за пет проценти.
